Hovudroller i Herøyspelet

 

 

Ingrid Megård Sæter

Ingrid Megård Sæter

"UNN DEN FAGRE"

Kjem tilbake i rolla som Unn etter debuten i fjor. Frå Sunndal, og har spelt i Lady Arbuthnott saman med ei tidlegare Unn, Heidi Ruud Ellingsen.

Frode Bjorøy

Frode Bjorøy

“MØRE-KARL”

Mellom veteranane i spelet. Var i mange år Ingolf Ynda, men har no rolla som Møre-Karl. Tilsett ved Den Nationale Scene og har i år spelt i Tonje Glimmerdal.

Audun Sandem

Audun Sandem

"KONG OLAV HARALDSSON"

Sandem er tilbake i konge-rolla for tredje år. Han jobbar ved Det norske teatret i Oslo. Der har han spelt innandørs vikingteater i vinter før han no spelar i Romeo og Julie. Også Sett av rundt 1,5 millionar tv-sjåarar i rolla som sabotøren Knut Haugland i «Kampen om tungtvannet».

Gerald Pettersen

Gerald Pettersen

"RAGNAR HERØYHOVDING"

Gerald Pettersen er mannen som meir enn nokon har forma spelet Kongens Ring. Til dagleg er han tilsett ved Den Nationale Scene i Bergen, men kvar sommar sidan Herøyspelet vart sett opp første gong i 1992 har han hatt regi på spelet. Spelar i år Ragnar Herøyhovding, slik han gjorde det fyrste året for 25 år sidan.

Sigrid Moldestad

Sigrid Moldestad

"INGA"

Folkemusikaren frå Nordfjord skal spele den stridige vikingkvinna Inga. Moldestad er både songar og felespelar. Og i vår har ho spelt i Tonje Glimmerdal på Den Nationale Scene saman med Frode, Gerald og Eirik.

Eirik Del Barco Soleglad

Eirik Del Barco Soleglad

“INGOLV YNDA”

Er i ferd med å bli varm i trøya som Ingolf Ynda etter to år i rolla. Soleglad er tilsett som skodespelar ved Den Nationale Scene og har i vår spelt i Tonje Glimmerdal. Gjer også mellom anna soloshow som humorist.

Hedvig Garshol

Hedvig Garshol

"KJERRING BRÅTE"

Hedvig Garshol, opprinneleg ulsteinvikar, har vore engasjert ved ei lang rekke teater i Norge. I Herøyspelet har ho hatt rolla både som Unn (2002-03) og stridige Inga (2005-13). No går ho vidare og vert trollkvinna Kjerring Bråte i Herøyspelet 2016.

Ghopi Prabaharan

Ghopi Prabaharan

”FE DEN SYNSKE”

Ghopi Prabaharan vaks opp i Herøy. No er han tilbake med hovudrolle i Herøyspelet. Han er for tida skodespelar ved Teater Innlandet, men har også nyleg vore Lotto-vert på Nrk og held foredrag og driv med coaching.

Bjørn Holum

Bjørn Holum

“FORTELJAREN”

Arrangementsleiar og kino- og konserhussjef Bjørn Holum sin bass har prega lydbildet i Herøyspelet sidan starten. Han er med i år for 25. gong og slår fast at det hende i Herøys gamle tid.

Sigurd Nygard

Sigurd Nygard

“BJØRN STALLAR”

Med for 25. gong. Sigurd Nygard er resten av året serviceingeniør i Rolls-Royce, men første veka i juli er det Herøyspelet som får tida hans. Slik har det vore sidan spelet første gong vart sett opp i 1992. Rolla som Bjørn Stallar har han hatt sidan 2003.

Morten Gusdal

Morten Gusdal

”BISP GRIMKJELL”

Morten Gusdal debuterte i Herøyspelet som 13-åring. Han starta som flaggberar, vart herøybarn og seinare herjung i mange år før han i 2013 tok på bispekåpa for første gong.

...og i andre hovudroller:

Rollenamn Skodespelar
Edmund Munk Gunnar Kjell Sydhagen
Battolf Gormsson Christian Oppedal
Gaute Gormsson Simon Voldsund
Sigurd frå Frøystad Sigve Storøy Hermansen
Irin Havtorsdotter Martine Gjerdsbakk
TOP